apne hi shab o roz main abad raha ker

apne hi shab-o-roz main abad raha ker
hum log bure log hain humse na mila ker

shayad kisi awaz ki khushboo nazar aaey
aankhain hain to khwabon ki tamanna bhi kiya ker

baton key liey shikwoon k mausam hi buhat hain
kuch aur kisi se na kaha ker na suna ker

sone de unhain rang jo soye hain badan main
awara hawaon ko na mehsoos kiya ker

tu subhe baharan ka haseen khwab hai phir bhi
aahista zara aus ki boondon pe chala ker...!